VII-VIII ASRLARDA ISLOM DINING MOVAROUNNAHR HUDUDIDA YOYILISHI

Abstract

Mazkur maqolada VII–VIII asrlarda Movarounnahr hududida Islom dinining yoyilishi va uning tarixiy taraqqiyotga ta’siri masalasi yoritilgan. Unda Arab xalifaligining Movarounnahrga yurishlari, Qutayba ibn Muslimning Buxoro va Samarqanddagi faoliyati, mahalliy aholining Islom dinini qabul qilish jarayoni hamda yangi diniy-ma’naviy muhitning shakllanishi tahlil qilinadi. Shuningdek, Islom dinining Movarounnahrning siyosiy, ijtimoiy va madaniy hayotiga ko‘rsatgan ta’siri, ilm-fan va ta’lim rivojidagi o‘rni ochib beriladi. Tadqiqot jarayonida Narshaxiyning “Tarixi Buxoro”, Muhammad ibn Jarir at-Tabariyning “Tarix ar-rusul va-l-muluk”, al-Balazuriyning “Futuh al-buldan”, Abu Rayhon Beruniyning “Qadimgi xalqlardan qolgan yodgorliklar” hamda Abu Mansur as-Saolibiyning “Yatimat ad-dahr” asarlaridan asosiy manba sifatida foydalanilgan.